«Надышоў час пасля пяцідзесяцігадовай літаратурнай працы звярнуцца, па прыкладзе іншых пісьменнікаў, да аўтабіяграфічных эцюдаў. Прызнаюся, што багата фактаў з уласнага жыцця, таксама як і з жыцця майго роднага Давыд-Гарадка, я выкарыстаў у раманах «Кветкі правінцыі», «Крык на хутары», у «Давыд-Гарадоцкіх канонах», у навелах ды п’есах, але ж, безумоўна, не ўсё перажытае ўвайшло ў мастацкія творы. Абяцаю быць шчырым, але не хачу крыўдзіць тых, хто ідзе побач па жыцці альбо пакінуў гэтае самае жыццё…» — так напісана ва ўступным слове да рамана-хронікі «Божы дар» Георгія Марчука, пачатак якога пад рубрыкай «Спадчына» друкуецца ў "Полымі«№ 5. У гэтым жа нумары змешчаны пачатак другой часткі рамана версіі Віктара Праўдзіна «Непераможны злом». Першая частка друкавалася ў «Полымі» ў № 11–12 за 2023 г. , № 1 за 2024 г.
На «Полымя» № 5 можна падпісацца ў любым паштовым аддзяленні нашай краіны да 26 красавіка, на № 6 — да 25 мая.