Словы, якія мы прамаўляем, як і нашы ўчынкі, могуць мець чарадзейную сілу. А каб валодаць гэтай сілай, трэба быць ветлі-вым, добрым, працавітым, любіць сваіх родных і блізкіх, даражыць сяброўствам… А ў прынцыпе, трэба не так ужо і шмат, як, напэўна, падумае хтосьці з юных чытачоў. У чым лёгка пераканацца, калі прачытаць кнігу «Чарадзейныя словы», большасць твораў якой, дарэчы, уключаны для пазакласнага чытання па беларускай літара-туры ў 2—3-м класах сярэдняй школы.