«Ніколі не забудзем» — гэта кніга-помнік, кніга-з’ява. Помнік для Беларусі і нават свету не менш значны, чым Хатынь ці Брэсцкая крэпасць, Каложская царква ці полацкі Сафійскі сабор. Гэтая кніга пра вайну — наша нацыянальная каштоўнасць, унікальная з’ява народнай памяці, дзіцячай памяці, якая не падмане і не падфарбуе рэчаіснасць. Як і ўсё сапраўднае ў свеце, яна нарадзілася з болю нявыказанасці, з трагедыі перажытага і з прагі да жыцця, міру, любові, добрай будучыні.