Зорка Еўдакіі Лось (1929—1977) зазіхацела на небасхіле беларускай паэзіі ў 50-я гады мінулага стагоддзя. І хоць пражыла паэтэса ўсяго 48 гадоў, яе творчасць стала яркай і самабытнай з’явай у айчынным прыгожым пісьменстве. Яна пісала прозу, займалася перакладамі, многія свае творы адрасавала юным чытачам, і ўсё ж самыя яркія, пранікнёныя і незабыўныя радкі можна знайсці ў яе грамадзянскай ды інтымнай лірыцы.
Кнігу «Яснавокія мальвы» склалі выбраныя вершы
і паэма «З белых пялёсткаў» з літаратурнай спадчыны
Еўдакіі Лось.