У чарговым томе серыі «Залатая калекцыя беларускай літаратуры» змешчаны чатыры аповесці 1940—1960-х гадоў. Гэта творы «Абжыты кут» А. Асіпенкі, «Расці, Ганька» А. Васілевіч, «Я помню…» М. Лупсякова і «Расце мята пад акном» А. Кулакоўскага. Творчы талент гэтых празаікаў змог паспяхова рэалізавацца ў жанры аповесці пазначанага перыяду. Галоўныя героі аповесцей паўстаюць людзьмі са складанымі асабістымі лёсамі, але з актыўнай жыццёвай пазіцыяй. Яны канцэнтруюць вакол сябе напружаны нерв сацыяльных, духоўных і маральна-этычных тэм і праблем таго часу.

Зборнік адрасуецца шырокаму колу чытачоў, якія цікавяцца айчыннай літаратурай і імкнуцца глыбей спазнаць мастацка-духоўны досвед свайго народа.