У 29-м томе серыі «Залатая калекцыя беларускай літаратуры ХХ стагоддзя» знайшлі адлюстраванне творчыя дасягненні нацыянальнай «малой» прозы 1940—1960-х гадоў. У выданні змешчаны адметныя творы вядомых празаікаў, якія ўвайшлі ў літаратуру ў пасляваенны перыяд. Сярод іх імёны такіх аўтараў, як А. Кулакоўскі, А. Карпюк, А. Марціновіч, М. Лупсякоў, І. Грамовіч, А. Васілевіч, І. Гурскі, П. Пестрак і многіх іншых. Іх творчасць стала жывым увасабленнем духу часу жыцця нашых бацькоў, дзядоў і прадзедаў.