17 верасня ў Мядзельскай гімназіі прайшла Рэспубліканская навукова-практычная канферэнцыя “Шчаслівы, што пяю цябе, Радзіма…”, прысвечаная 110-годдзю з дня нараджэння Максіма Танка і Дню народнага адзінства. Яна была арганізавана і праведзена інстытутам літаратуразнаўства імя Янкі Купалы і Мядзельскім раённым выканаўчым камітэтам. У навукова-практычнай канферэнцыі прыняў удзел намеснік дырэктара выдавецтва “Мастацкая літаратура”-галоўны рэдактар часопіса “Полымя” Віктар Шніп, які выступіў з дакладам “Максім Танк— галоўны рэдактар часопіса “Полымя””, а таксама расказаў прысутным пра кніжкі Максіма Танка, што апошнім часам выйшлі ў “Мастацкай літаратуры” ў серыях “100 вершаў” і “Жывая класіка дзецям”.