Жнівеньскі нумар “Маладосці” парадуе чытача дэбютамі маладых аўтараў. Студэнтка чацвёртага курса Брэсцкага дзяржаўнага ўніверсітэта імя А. С. Пушкіна Вікторыя Казловіч прадставіць на суд чытача свае пачуццёвыя лірычныя вершы. А школьніца з вёсцы Вялічкавічы Салігорскага раёна Вікторыя Ярмалінская пазнаёміць з філасофскімі казкамі. Будуць і ўжо знаёмыя для пастаянных чытачоў аўтары – Юлія Макарэвіч з нізкай навел, Наталля Бахановіч з гістарычнай аповесцю-біяграфіяй Францішка Багушэвіча, Аляксандра Жалязнова з паэтычнай падборкай. Раім звярнуць увагу і на цікавае апавяданне вядомага пісьменніка Аляксандра Кажадуба “Кошкі Стамбула”.
“Музейная гасцёўня” раскрые перапіску класікаў беларускай літаратуры з іх грузінскімі калегамі.
Тамара Мазур заглыбіцца ў чароўны свет лялечнага тэатру. Адам Глобус паразважае над пастулатамі творчасці Леанарда да Вінчы.
Як бачым, будучы нумар часопіса вельмі разнастайны: як па ўзросце аўтараў, так і па тэматычным абсягу тэм. Сумна дакладна не будзе.
А. Глобус «Муза»
