І маладзёжнае выданне можа мець салідны ўзрост, напрыклад, семдзесят гадоў — менавіта такі пачэсны юбілей святкуе часопіс «Маладосць». На яго старонках за гэты час дэбютавалі, бадай, усе беларускія вядомыя пісьменнікі. Чым сёння жыве часопіс? Што адбываецца з маладой беларускай літаратурай? Як шукаць новых аўтараў? Ці павінна рэдакцыя маладзёжнага часопіса браць на сябе функцыю літаратурнай вучобы? Якім павінен быць працэс рэдактуры маладога аўтара? Пра гэта і шмат іншага за круглым сталом пагаварылі галоўны рэдактар часопіса «Маладосць» Вольга Рацэвіч, намеснік дырэктара РВУ «Выдавецкі дом «Звязда» — галоўны рэдактар газеты «Літаратура і мастацтва» Аляксей Чарота, загадчык Літаратурнага музея Максіма Багдановіча Міхал Бараноўскі, паэтэса, аўтар часопіса «Маладосць» Марыя Шкляр і пісьменніца, рэдактар аддзела культуры газеты «Звязда» Людміла Рублеўская.
Матэрыялы круглага стала апублікаваныя ў газеце “Звязда” ад 22 красавіка 2023 года, а таксама на сайце выдавецтва: https://zviazda.by/be/news/
